Mi vi cuntu e mi vi dicu nta me terra chi succedi e troppu longu, ma na cosa vi pozzu diri chi a carnalivari ci si diverti ! Vi presentu a farsa i carnalivali di lla Giunta Comunali Acquadirosi

Cu na spata e na bilanza  amministru Acquadirosi fu na larga maggioranza chi pi Sinducu mi vosi. Ora a seggia chi mi spetta mi la tegnu e pi rraggiuni non lu fazzu pa sacchetta ma pu beni du Cumuni.

Sugnu Vici no ma mporta ieu non sugnu omu vinali carchi cosa a mia cunorta sacciu stari a beni e mali …vi lu dicu e onestamenti pa so casa ognunu faci cu lli mani eu su potenti pistu i pedi vivu mpaci

Tutti a genti a mmia canusci Acquadirosi beni mi sta ma carcunu nnimalisci e mi cerca a cartà. L’E.C.A. faci assa’ favuri a tutta sta comunità eu sugnu l’assissuri di la Pubblica Sanità…….

Sugnu i longu parintatu e camminu cu llu scuru su Assissuri nominatu di lu Pubblicu Lavuru. Non faciti maravigghia si lavuri fici picca e pocu prima veni al famigghia dopu cu mi ddesi u votu

Stu cumuni si componi scecchi muli e pruvissuri di la Pubblica Struzioni sugnu eu l’Assissuri. Sugnu nda MMinistrazioni cu nnu compitu precisu fari raccumandazioni e mi levu pala e picu….

Eu trovai modu e manera n mi nc’èsti spazzatura a lu vennari a la fera incu strati chiazzi e mura. Su SSussuri da mundizza nda sti cosi non mi mbogghiu no mi mentu  nda friddizza ma s’è bonu u portafogghiu

Si mi dassinu mi scappu nchianu nda na ciminera e di lla nci mollu u tappu chiddu di malamanera. Eu su lu Consiglieri non su n’omu i pinna vogghiu spartiri a li guali si mi manca la me minna cadi a Giunta comunali .

E si cincu fussi dittu stu Cumuni e dill’Eggittu stu Cumuni è di cu fù mangiu eu e stà bonu tu…Eu lu Segretariu fazzu tantu chi su furasteri di lavuru non mi mmazzu fazzu comu e’ Cunsigghieri.

Sugnu n’Vigili paisanu residenti i stu paisi è non fattu mpocu stranu pel li donni sugnu Nglisi. Malidittu u setti Maggiu chi pi Vigili trasìa non nci manca lu curaggiu mi sa pigghiunu cu mia.

Su spazzinu e funtaneri e becchinu naturali mi cumanda u furisteri e la Giunta Comunali. Cu mi manda a Carbiali cu mi zappu o so’ giardinu e cu ppoti parra mali di stu poviru spazzinu.

Sugnu Medicu Ufficiali e mpiegatu a lu Cumuni si ti senti carchi mali carbunata e limuni. Nuddu diri poti nenti sempri ordini riggetti  ma la cosa cchiu mpurtanti è pir mia lu vintisetti

Giru tuttu lu paisi fazzu carchi pungitura quandu veni fini misi veni la me fenditura. Su Dutturi di nimali e cumpari di bucceri bullu carni beni e mali e sistemu lu carneri.

Eu su’ di lla furesta delegatu o Comuni cu l’amici mbasciu a testa si nci sunnu maccarruni. Atru non nc’è nenti i fari e si nc’esti parru mali eu di fronti a lu mangiari non la pensu a furestali.

Non mi ponnu cchiu vidiri cacciaturi e paisani non mi pozzu divirtiri pi mi fazzu u ncacchiaccacani. O macellu Comunali no ndi portu ncchiu nimali ca cu mmazza cani e iatti malasorti lu combatti.