(Dialetto Calabrese)

Pinsamu a li duluri di Maria,                                                                                                 affritta mamma, scunsulata e sula,                                                                                           guardava a cruci e spirari vidìa                                                                                                     so’ figghiu, mentri sona vintin’ura.

Si vota e vidi n’atra tirannìa,                                                                                                     Longinu na lanciata va’ nciuna.                                                                                                    Si smuviru li petri di la via,                                                                                                             si scura lu suli, li stiddi e la luna.

Giuseppi Arimarìa nci dissi allura,                                                                                                 o Nicudemu chistu è n’omu giustu.                                                                                             Nci sciupparu li chiova e la curuna,                                                                                            nci lu dessiru a Maria mortu di ntuttu,

E la Madonna si trovava sula,                                                                                                         di cori lu ciangìu di chianti rruttu,                                                                                               Linzola novi e nova sipurtura,                                                                                                          a vinticquattr’uri fu mis’a nseporcu.

Ora ch’è dittu lu riloggiu tuttu,                                                                                                    mi scusati si nc’esti difettu,                                                                                                         chiddhu chi dissi lu dissi pi murtu,                                                                                                ca truvatu non l’haiu nda nu libbru scrittu… 

Cu ama Gesù Cristu veru e giustu,                                                                                                  lu paradisu lu pigghia di pettu…                                                                                                     e cu llu dici pi devuzioni,                                                                                                              ncici nu Credu a la Santa Passioni.

Il presente canto sacro, fa parte della tradizione orale del popolo reggino e quindi non è escluso che possa aver fatto parte delle tradizioni di altri paesi e raccolto e tramandato ai posteri attraverso libri o riviste da studiosi e altri appassionati ricercatori. Io l’ho sentito cantare nella chiesa del mio paese negli anni cinquanta. Se avessi avuto un registratore ora sarei in grado di far ascoltare il canto accompagnato da un piccolo organo suonato dal sacrestano, uomo mite e buono ma con la lacuna di non conoscere le note musicali.